سالي بتردد :اثير احــس إن ابعــدنا وفيــه شي خطأ قاعديصيـر ..
اثير:لاتســوين عمـرك خايفه مولايق عليك الدور ...
طنشتهــا سالي مو ناقصــتها ...بــس للحيــن تحــس بالخوف فيــه شـي يسبب قلقهـا تحس أحد يتبعهـــم بــس هذا مستحيــل لأنهــم يمشـون بأرض جرداء وهــم مايشــفون أي احــد وراهــم لمتــرات كثيـره أجل وش سبب هلأحـسـاس ......
سالي بقلــة صبــر :حـنا لازم نرجــع أحس بالشـر يحوم حولينــا ..
اثيــر :ويه والله وطلعتي خوافـــه أنا دايم امشــي لحـالي وماحسيت بخــوف وأنتــي من أول مره خفتــي ...
سالي :أنتــي ماتفهميــن حنـا لازم نرجع لو صار لنا شي هنـا محد دراي عنـا ..
اثيـر بعناد :انا ماني راجعه بترجعين لحالك ارجعي ...
سالي :اوووووووف منـك والله أنكـ لصـقه هديل عندك ملاكـ ,..
اثيــر بقهر : مليون مره قلت لك لاتقارنين بهديل هذي حقتكـ ..
سالي :اصلاُ أنت تغارنين منهـا لأنهـا أحلــى منكـ ...
اثيـر :من قال أنهـا أحلـى منـي ..
سالي وهي تجلس علـى الارض :يكفـي أنهـا طالعه علي عشان تطلع احلى بنت بالبلـد كلهــا ....
وفجــأه جـاء دباب وبــدأ يدور عليهـــم وكـأنهــا نزل من السمــا ابد ماحســوا فيــــه ...
سالي صابـــها خــوف شديد كانت مصدومــه مــن اللي القاعد يصيـر
ومانتبهت علــى اثير اللي قاعدتراقب الوضع بلا مبالاه ويــوم شافت خــوف سالي ....
أثيــر بصــراخ : بــسسسسسسسس دوختنـــا ...
وقف وفصـخ خوذتــه ...
:يمــه عليهــاصـوت يخوف بلد ...
والتف بنظره علــى سالي اللي كانت تطــالعــه بغضب ويوم طاحــت عينــه عليهــا شهق بأعجــاب ...
وقال لأثيــر وهو ماشال عيــونه عـن سالي :مـن هـذي ..؟!
اثيــر :هذي عمتــي سالي ...
:القمــر هذي عمتكـ يالقـرده ...
سالي بنرفزه من وقاحتـه :عمـري ماشفت انسـإن بوقاحتـك ماتشوفنـا بنات لحـالنـا شدور عنـدنا ...
ياسـر وهو يتلفت وراه :افاااا الكــلام هـذا لـي ...
سالي :ليه شايف أحد غيرك هنا ..
ياســر:طيب ياحلو كل شي منك مقبول بس انتي هدي اللعـب...؟
سالي لأثيـر :أنتـي من ويـن تعرفيـن هالانسان الغثيث ...
اثيـر :هذا ياسـر ولد خالتـي ..
سالي :اهااا اللحين فهمـت ليه غثيث لأن مافيـه أحد بهالاسـم الا ودمـه اثقل منـه ,,واللحين ممكن تقولين لولد خالتك الغثيث يحـل عنـي ...
اثير ويدها على خصرها :الظاهر سمعت وش قالت حل عنها وحل عني بعد ...
ياسـر وهو ينزل من دبابه يوقف قريب منهم :طيب الحلـو موعاجبـه اسمي اغير علشـانه انا كلي فدوة عيـونه الحـلوه ...>>وكمـل قز بالسالي ..
تاملته سالي بقرف من مظهـره اللي كان مقزز البنطلون الجنـز اللي كان لابسـه كان مخـرق من كل مكـإن لو مالابسـه ابرك وقميصـه اللي يربط من تحت وبدون ازره وشعـره رابطـه علـى ورى وباذنـه كان حلق من الماس ...
سالي وكبدها لايعـه منـه:ليش مسوي بعكمـركـ كذا ...
ياسـر :ليه موطالع حلـو وخاصه هذا واشـر على اذنـه لاتقولين موعاجبك والله كلفنـي مبلغ قدره ..
سالي باستخفاف :لاحلـو مرره حلـو لايق عليكـ والتفت بتكمـل طريقهـا بس لفت عليه مره ثانيـه وهي تقول :مررره لايق عليك أسم ياسـر ...
ياسـر وهو يركب دبابه غمـزلها :اوصلكـم ترى حريف ..
سالي :لاريح عمـرك حالفـه ماركب مـع واحـد اسمـه ياســر ...
ياسـر بصـراخ بعـد ماتركوه سالي واثيـر :لاتقطعــون خلونا نشوفكـم ..
اثير وهي تلهث :امشي بركاد محد لاحقكـ ...
سالي :مالك دخـل فيني امشي بالطريقـه اللي تعجبنـي وبعـدين كل اللي صارلنـا من تحت راسكـ لو ماعاندتي وخليتينـا نبعد ماشفنا هالانسـإن الغثيث ,,ولا وسكتت فجأه وطالعت بأثيـر باتهام :لاتكونين متواعـده مـعه ...
اثيــر وهي فاتحــه عيونهـا علاخيـر :قليلـة أدب والله أعلم عليك جدتـي ...
سالي :والله أنا اللي بعلم عليك والله وطلعتـي بـلوه يالقزمـه تواعدين بعـد ...
انطلقت اثيـر للبيت عشان تسبق سالي وتخبـر عليهـا ....
لحقت فيهـا سالي بس سياره طلعت بوجها فجـأه ويوم بترجع على ورى تعثـرت وطاحت على ظهرها وقفت سالي بسرعه وصـرخة بمفأجـاه :أحمــد ..
احمــد وهو يفصخ نظارتـه ويطالعها بوقاحـه:ايه أحمــد وش فيك متفاجئه معقـوله أعرف انكـ هنا ومامر اشوفك...
سالي وهي تحاول تغطي جسمها وجههابطرحتهـا اللي ماتغطي شـي ممكن تطلع قدام أي أحـد الا هالمتوحش اللي تدري انه متولع فيها ومن سنين :خيـر وش تبـي؟؟ ...
أحمــد وهو يجلس على مقدمة سيارته:الخيـر بوجهـك بس لاتفكـرين نفسك بيتكـم وبتطردينــي ...
سالي :ماتفرق بيت عمتـي بيتي ...
أحمــد :وبيت خالتـي أنا بعــد لاتكـونين ناسيــه يابنت العمــه ...
سالي :وأنا أقدر انسـى الحظ العـاثر اللي يربطني فيكـ ...
وتوها بتمشـي تدخل للبيــت وقف بوجهـا :محلـوه حبيبتــي ...
سالي :صدق أنك قليل حيـا لاتنسـى أنك متزوج ...
أحمــد بألم :وانتي تزوجتـي بعــد بس للأسف ماعرفتـي تختاريـن ...
سالي :ماطلبت رايك أنا اتزوج اللي يعجبنـي،،وعضت على لسانها انا وش قلت ..
أحمــد بطريقـه وقحـه :وعاجبكـ هالياسـر ...
سالي :عاجبني ولاموعاجبنـي الامر هذا مايخصكـ ...
أحمـد :ماحزرتي حبيبتـي أنا كل شي يخصك يخصنــي ,,بـس ودي اعرف وش اللي بياسـر ومو فينـي ...
سالي :علــى الأقــل حلال تنقال له كلمـــة رجـال ,,واسرعت تدخل للبيت قبـل مايستوعب أحمــد اللي قالتــه ...
دخلت للبيت وقفلت الباب بعـدها وركض على غرفتهـا كانت تحس قلبهـا بيوقف من الخــوف كانت واقفـه مع أحمــد برى ولحـالهم محد يتصـور حجم الخطـر اللي كانت فيه بس هي تدري والمصيبه أنهـا تدري كانت تظن أن أحمـد انتهى من حياتهـا بس الظـاهر مكتوب عليهـا الشقى بهالحيـاه تهرب من ياسـر عشـان تطيـح بأحمــد بس ياسـر غير هـي معه بأمان مهما حاولت تنكـر الكلام الي قالتـه عنـه لأحمــد صدق وطالع من قلبهـا لأنه الحقيقـه الي مهما حاولت تنكـرها ماتقـدر بس هذا مايغيـر أي شـي ياســر كان ولايزال وبيظل ألد اعـدائهـا هو الوحيـد اللي قـدر يجبرها علـى شي ماتبغـاه بس ماقصـرت فيه ورتـه الويـل كلهـا كم أسبـوع وتسمـع أنه طلقهـا وترجـــــع اما قبل الطـلاق فمستحيـل ترجــع وخصوصاً انها هاربـه منـه كيف ترجـع وتزوجـه هذا الجنون بعينـه ,,تاففت يوم سمعـت صوت عمتهـا تناديها من تحت ...
جت بتنزل لها بدون عباه بس تذكـرت أحمـد يمكـن يكون تحت ولبست عباته وتلثمت ...
ومثـل ماتوقعـت كان جالس تحت ويطالعهـا بنظرات كلها غيض وقهــر شكلها احرقت دمـه بكلامهـا ذاك وشي ذا يسعــدها بس يخوفها بنفس الوقت لوكانت بين اهلها كان ولاهمـها بس هنـا بعرين الاسد وتحرش فيــه ...
سالي بدلـع :خيـر عمتـي ناديتينـي ...
أم كايد :ايه سلمـي على احمــد ولد عمتـس وروحي سويلنـا قهــوه ..
سالي بدهشه :أحمــد ميــن مادريت أن لي ولد عمــه اسمــه أحمــد وبعــدين ونعمــت صوتها الزياده :تعرفين أني ماعرف اسوي قهــوه ولاأدبر شـي بالمطبـخ
تبغيــن أحمــد ولد عمتـي يضحـك علــي ..وضحكت بميوعه وهي تطلع مع الدرج ..
اما احمــد الله لايوريكـم حالته تصعب علـى الكافــر مـع كل اللي تسويه فيـه الا أنه يحبها وموقادر يفهـم أنه خسرها وللأبـد يحسهـا تتلذذ بحرقـة دمـه ست سنين وهو يركض وراهـا مليون مره خطبها وهي ترفضــه علـى قد مايحبهـا
يكـره غرورهـا اللي ذابحــه صح معهـا حق تشوف نفسهـا بس موعليـــه ظن انه بزواجـه من غيرها بيجرحهـا ماتوقع انه لهادرجه مايهمها وصدمـة عمره كان زواجهـا كان يحسبهـا بتظل على موقف برفض ماتوقعها بتوافق علـى أحـد بس الظاهر ماكنت فاهمها زين ...
رجعت للواقع على صوت خالتي اللي كانت تسولف علي وانا خبـرخير ...
أم عادل :هاه يمه ماقلت لي وش اخبار مـرتك مافيه شي بطريق ..
أحمـدبنرفزه :لا ولاأتـوقع انا خلاص بطلق سعـاد ...
أم عـادل :وراه ياوليـدي ليه تطلقهـا وش شفت على بنت الناس ...
أحمد :حياتي معها ماتنطاق خالتي أنا ماواطنهـا تزوجتها بس عشان أمي ولا أنا مابغى غير وحده واتوقع تعرفينهـا زين ...
(..ليت الدمع ترد من كل غالي والله لاذرف دمعي العمر كله يهون ظلم اليالي لو كان يرجع أو يعود لمحله..)
آآآآآآآآآآآآآه يارغـــد وش سويتـــي بحيــاتك ليــه دمرتـي نفسك بنفسك لا مو رغــد السبب,,,خالــد هـــو السبب أيــه خالد سبب عــذاب أختــي بأيامهــا الاخيــره خالد هــو اللي ذبــح أختــي هــو اللي خدعهــا المجــرم الخسيس صــورتــه كانت بيــن اغراضهـا أكيــد انهـا حبتــه من قلبهــا هو الخـاين غدرفيها كلــمة قبيح شــويه عليــه ابشع منــه ماشفت مادري وش اللي شافته رغــد فيـــه ودمــرت حيــاتها عشـإن واحــد تافــه مثلــه ,,الله يرحمـك يارغــد ويغفـرلك علـى اللي سويتيه بنفسك موتك كان رحمــه لك من الفضيحــه اللي كانت بتطولك بسبب هالخسيس الله يجـازيه على اللي سـواه فيك ويشوفه بمحـارمــه يارب ...
ضمت صورة رغــد اللي على مكتبهــا للمــره الثانيــه يأختــي حقك بأخــذه وبنتقــم لك من اللي عذبك ونزل دمــع عينــك ...
حتــى لوكانت غلطتــك من البدايــه بنتقــم لك وبذوق اللي عــذبك من نفــس الكـأس ..
<بعــد شهــر من الاحـداث الســابقــه >
:يعنــي ماراح تــوب بعـد كل اللي صـارلك ...
فارس :ليه وش صار أختــي وماتت الله يرحمهـا يعنـي بتوقف الحيـاه عند هالنقطـه ...
نايف :ماقصدي كــذا أقصد وش كان موقفك لوكنت مكانها ...
فارس :بس ماكنت بمكانهـا وللحيـن واقف قدامك حــي ارزق بعدين وش معجلنـي على المــوت داخــل النــار داخلهـا ******** لاتعليق ...
نايف بالصـدمه من كلامه :أنت اكيـد انهبلت الســم اللي تشربـه أكيــد لحــس مخـكـ ..
فارس :اوهووو جانا مطــوع بريــده ياشيــخ حل عنـي عنــدي اشغـال كثيره وأجلتهـا بمافيــه الكفــايـه ...
نايف بأستخفاف:أيـه الحق ترى بيطيح نصك لوماكملت هاللعبـه الزفت اللي تلعبهـا ...
ماعبــر كلامــه وعشــان يقهــره كلمهـا قدامــه ..
فارس :الــوووو ,,,هــلافيك انتي ياقلب فارس ,,توك تفتكـري والله ماهقيتهـا منك ياجوجو (؟؟!!!) ......
:اللحيـن وش تفــرق معك لو كنت رغـد ولاغيــرها مو المهــم تكلم وحـده والســلام ...
خالـد بالدهـاء :لاحبيبتـي تفـرق أنتـي فكـري فيهـا زين وتلقينهـا تفــرق وكثيــر بس الواضـح من كلامك أنك مو بهــي صح نفس الرقم بــس لا رغــد تختلف عنــك كثيــر ...
رحـاب :بايش تختلف كلنــا بنات حواء نتشـابـه مو هذا كلامكم ...
خالد :هــي اللي دازتـك صــح تبغــى الفلم والصــور صح بس للأسف تأخــرت كثيــر ..
رحـاب مع انهـا تعرف الجواب سألت:أي فلــم ...
خالد :اسأليها وتقول لكـ الفلم اللي ارسلت لهـا مقطع منه على الجــوال ..
رحاب:تصــدق ماقلت لــي عنــه ومايهمنــي اصلاً ,,,انا مالــي دخـل فيهـا والظاهـر أنهـا عطتنــي الرقم بتخلص من ماضيهـا الأســـود ...
خالــد :علــى كل حال بلغيهــا أن النــدم ماعاد يفيــد اللحيــن والموضـوع طلــع من تحت يـدي ...
رحاب قالت بعــدم مبالاه مع أن كلامــه تحسـه زي الخنـاجر بقلبهـا :والله بكيفهــا دامك مبلغهـا وراه ماتصـرفت من حالهـا أن مو مخلوقه اصحح اخطـأ غيــري ..
خالــد بأعجــاب :تصـدقيـن اول مــره تمــر علي بنت مثلك الظـاهر بيكــون لنا مستقبـل زاهــر مع بعض ...
رحاب بداخلهــا :أحلف لك بأغلظ الايمــان ليكــون ماضيك معــي مايتنســى ...
خالـد :وش فيك ساكتــه ..
رحاب بارتبـاك :مافينــي شي بس الظاهر أني طولت عليك مع السلامــه وقفلت قبل مايقول أي شــي ..
مسكت كل الاغــراض اللي على التسـريحه وضربتهن على الجــدار كســرت كل شي وهــي تبكــي بقهــر الله يلعنــه النـــذل الخسيــس الله يفظحه بأهله مثـل مافضح أختــي يارب انتقــم لــي منـه ..
وناظــرت بصـورتها اللي فالمـرايه :لاا أنا المفروض ماستسلــم لازم انتقــم منــه مثل ماوعــدت رغــد ورفعــت صورة رغــد وهي تبوسهـا وتبكــي :رغــد أختــي حبيبتــي ليـه سويتـي كـذا ,,لاانتــي مالك خص هــو اللي غــدر فيك الخـاين ..وبدت تكلم مثل اللي فقـد عقلـه :اصلاً كلهم خــونه حتــى فارس أخــوي ابتــز جنــى وهدهـا وكان بيفضحهـا ...
جنــى صح جنــى
وفتحــت كمبيـوترهـا ...
بعــد دقايق كانت هالمحـادثـه بين رحاب وجنــى ...
جنـــى >>>(وربي مابكت عيني على شئ فقدته وراح وربي ماأنزل دمعتي ولاحتى علشاني):
هــلا رحــوبـه كيفك حبيبتــي ..؟!
رحاب >>>( انطفت في دنيتي كل الشموع والـهـنا مايوم في دنياي دام):
عايشــه والمـوت ارحــم لــي ..
(وربي مابكت عيني على شئ فقدته وراح وربي ماأنزل دمعتي ولاحتى علشاني):
لاكــذا عـاد انا ازعــل منك وأنا من يبقــى لي بعــدك ,,حبيبتـي مو معناة أختك ماتت توقف حياتك عنـد هالنقطــه الحيـاه مستمــره وحــزنك عليها مومرجعــها لك ...
( انطفت في دنيتي كل الشموع والـهـنا مايوم في دنياي دام):
يعنــي وش تبغينــي ارقص واهيص وأختـي مالها شهــر من مات مايكفـي أهلــي اللي كملـوا حياتهــم ولاكأن عنــدهم بنت وماتت ..
(وربي مابكت عيني على شئ فقدته وراح وربي ماأنزل دمعتي ولاحتى علشاني):هـذا المتــوقع ولاتبغينهــم يعيشون كل حياتهم يبكـونها لو كل من مات وقفـوا اهله حياتهــم من بعــده محد عاش بسعـاده ..
( انطفت في دنيتي كل الشموع والـهـنا مايوم في دنياي دام):ليـه حنـا نحلـم بس نعيش بالسعـاده عشان نعيشهـا بالواقـع ,,الدنيـاكلهـا هم وكــدر مافيـه شي يستحق نعيــش عشانه ..
(وربي مابكت عيني على شئ فقدته وراح وربي ماأنزل دمعتي ولاحتى علشاني) :رحاب وش فيك احس اني اكلم وحده ملحـده استغفـري ربك هـذا اعتـراض علـى القـدر ولا وش اسميــه ...
( انطفت في دنيتي كل الشموع والـهـنا مايوم في دنياي دام):استغــفر الله العظيــم جنـى أنتـي ليه ماتحسين فينــي أنا :
أنا في دنيتي مثل الغريب اللي بلا ديره..حياته بالشقا تبدا ولا يعرف نهايتها
وأنا في دنيتي مثل اللي ضاعت مشاويره..أنا صوت الالم والآه في جوفي تعاستها
أنا صرخة عذاب بقلب يشكي طول تفكيره..أنا صمت السنين اللي كثير الهم موتها
أنا ونة وحيدٍ تاه يعاني كثر تكديره..أبد ماعاش في الدنيا ولا يعرف حلاوتها
أنا دمعة عيون تعيش في غربه وفي حيره..على خد الأسى يرسم عزير الدمع قصتها
أنا جرح غدا ينزف وكسر صعب تجبيره..أنا رحلة قلوب ما درت حتى بوجهتها
أنا ماضي.. أنا حاظر .. خليط من تعابيره..على كف القدر تبدا رياح العمر رحلتها
(...تـــــــدري!!...انك في حياتي كل شي ..وان قلبي رغم بعدك..
ما نساك..وانك أنت شمس ليلي..وظل عمري والحنين..وفرحة أيامي ..وذكرياتي والسنين..
تدري!!أنت في حياتي من تكـون..؟؟.."أنت"..قلبي وقلب قلبي و...الجنـون...)
لاوهـــج انتبهــي حفـــره وهـج لااااااااااااااااااااااااااااااااااااااااااااااااا اااااااااااااااااااااااااااااااااااااااا ....
صحت سالي مفزوعـــه من نومهـا وهي تلهث وتردد :لاوهج لاا الحفـره ياوهج الحفــره ..
سالي بعــد ماتطمنت إن اللي شافته مجــرد حلــم :وش فيهـا وهج ليــه احلـم فيهـا كثيـرليكــون صار لهـا شي أنا لازم اتصــل عليهم واتطمــن ...
رفعت سالي الغطا وجات بتنزل بس حست بموجة هواء بارده جمدت الدم بعروقهـا ..
سالي وهي ترتجف :واااو برد...
دخلت تحت غطاها وسرحت بأفكـارها :الله عليك يالزمــن فرقتنا اذكـر ايام كنت أنام مع وهج وخناقتنـا بس انشاءالله بنرجع ذيك الأيام بس يليـن راس هالعنيــد ويحررنـي وكل شي يرجــع مثـل ماكان ...
وبــدت تغنـــي بصوتهــا العذب :
لاخذلك الوقت ياقلبي ابتســم 8&8 الزمن طبعه كذا فرح وهم
لملم اجروحك وخل مافيك فيك8&8يوم لك ياقلبي وعشــره عليك
من قديم الوقت والدنياكذا8&8الفرح متبوع بالدنيا دايم بالاذى
مستوى وضع لأصابع بيديك8&8يوم لك ياقلبـي وعشــره عليك
للاسف ماطعت شوري يالعنيد8&8كل يوم تزيديني جرحاًجديد
أنت باليني وحضك مابتليك8&8 يوم لك ياقلبي وعشره عليك
بكــــره لازم اروح لدكان واتصــل عليهم موضروري أقول أنا مين اتصـل واسئل اذا كانت وهج موجوده واذا قالوا بينادونها أكيـد مافيها شي وأكون تطمنت عليها وبدون ماكلمهــا ,,, والله يعينـي على هالعجــوز كيف بتخلص منهــا أكيــد ماراح تخلينـي أطلع بعــد اللي صار آخــر مره ...
سعـــود :ناصــر ارجــوك رح له تنازل عن كبريائك علشـاني حاول تمنعــه ذا متهــور بيفضحنـا ...
ناصــر :أن اللي ارجــوك لاتدخلنــي بهالموضوع خل يســوي اللي يريحـه الامــر هذا ماعاد يعنينـي بشـي ...
سعــود :الفضيحـه بتطولنـا كلنـا ولاتنسـى أنها خالة خـواتك اللي عايشـه معهـن ..
ناصــر :ماراح تقدر تقنعنـي بشـي بعـدين خالتـي ماسوت شـي خطـأ واذا كنت بتستعرون منهـا أنا افتخــر فيهـا ...
سعــود بقهـر :ناصــر خلصنـي وش بتســوي ..
ناصــر :بروح له وأمــري لله بــس والله ياسعــود لو غلط علـى خالتــي محــد بيخلصــه منـي ..
سعــود :أنت رح له وانشـاءالله موصاير الا الخيـر بس أنت تعامـل معه بالعقــل ولاتحـاول تستثيره لأنـه ثايــر ومـايفكــر بعقلــه لاصار بهالحـاله ..
ناصــر :والله ماهمنــي ثايــر ولاهادي أنا محد يغلط فينــي وأسكت عليه انا أبــوه اللي هــو عمـي ماسكت لـــه ..
-------------------
كان فحالة هيجان شديده غريبــه عليه وهو اللي يمسك اعصــابه بأصعب المواقف ...
ياســربصراخ :أنت مالك دخــل اسوي اللي ابـي ولاتظن أنــي بأخاف منك ومن تهديداتك ,,,, أنا محد يوقف بوجهــي واللي براســي بســويـه ...
ناصـــربالصـوت اعلــى :ورنــي وش بتســوي والله لأرميك بالتوقيف لين تخيس فيــه قبل ماتفكــر تسوي اللي تبيــه ..
ياســر :تهددنــي بالتوقيف أنا ياســـر محد يقــدر يمس شعــره من راســي وهــذاني واقف ورنــي كيف بتوقفنــي وبأي حق سكــران شارب ولاسارق ولاأي تهمـــه بتدخلنــي السجــن ......
ناصــــر :أنا أقــدر ادخلك وبدون أي تهمــه حتــى ,,,ياســر طعنــي ولاتحــاول توقف بوجهــي لمصلحتك بــس ..
ولف راســـه باستعلاء وكمـــــل طــريقـــه ...
ضـرب الجدار بقبضتــه بقهــر وعض على طرف غتــرته وصـرخ من اعماقــه :انا ياســر اتهـدد آآآآآه يالقهــر أنا مولازم اسكت له,,,لازم اردها له بس اتفرغ لوريـه ياســر ولد ابوه وش يســوي ,,واللحيــن ضروري اسيطــر على نفســي ماراح اسمح له يطعنــي بكرامتــي ويدخلنــي التوقيف علــى آخــر عمـري عشــإن كذا لازم اطلع من الرياض كلهــا للمـزرعـه للشقـــران ......
بعـــد نصف ساعـه بالسيــارة ياســـر وعلى طريقـــه للمزرعـــه :
من قال لك اني فالبعد مرتاح جذاب خذ مني العلوم الاكيده مهموم و طول الوقت و الحال ياصاح كل يوم في ناقص ولا شي يفيده....
مطعنون قلبي فالهوا كله اجراح ادواه عندك عالجه لا تزيده طعنات ماهي مثل سكاكين و ارماح بسيف حبك من مسافه بعيده...
لا جيت هم القلب و الروح ينزاح و تعودلي احلام الليالي السعيده نفسي تجي و نعوض العمر لي راح و تبدا معي فالحب رحله جديده...
مذبوح لك مشتاق و الشوق فضاح و القلب ما به غير كلمه وحيده كلمة احبك عطرها من زمن فاح و النفس غيرك ترفضه ما تريده...
كان طاير بالسيـارته وكأنــه يســابق القـــدرولاالقـدر يسابقــــه ..!!
فجأه وبدون سابق أنذار منــه لف بالسياره علشان يتفادى الشاحنــه اللي طلعت بوجهه وهــذا اللي ماتوقعتـه السياره اللي وراه فدخلــت بالشــاحنــه ...
ياســر بأعتــراض :لاااااااااااااااااااااااااااااااااااااااااااااااا اااااااااا ...
الشخـص اللي كان ورى فتح الباب ورمــى نفســه من السياره قبل ماتدخــل فالشاحنــه
نــزل ياســر من سيارتــه وراح يركض للي رمـى نفســـه بيشوف وش صار عليــه ...
كانوا اثنيـن مو واحــد مثل ماشاف ,,الصغيــره كانت صاحيــه تبكــي وتان من الالم ...والثانيـه اللي لابســه عباه أمهـا أواختهـا جامده ماتحـرك ..
قرب ياســر منهم وحرك الصغيــره وكلمها بس ماردت عليه كانت تبكــي من الالم مع إن ماعليها أي جروح حاول ياســر فيها عشان ترد عليه بس مو راضيــه ترد عليــه ...
وفجــأه سمعهـا تنادي أحــد بصوت خفيف توقع أنه يتخيــل بس لا مايتخيـل هي فعــلاً كانت تنادي سالي ,,,ياسـر قطع الشك باليقين يوم شــد الطرحـه اللي كانت مغطيـه فيها وجهـا وفعــلاً كانت سالي بوجهها اللي مثل فلقـة القمــر بس فيهـا شي متغيــر وين الضحكـه اللي متفارق شفاتها كان مكــانها جمــود مخيف معقــوله ماتت (... قالو توفت وافقتها المنيه...واصحا ترى الي ميت ماهو بعايد...الموت حق وخل نفسك قويه...ايامها بدنيا تشوف النكايد... قلت العنا شيْ ماقدر عليه...والحزن عندي صار سلم وعوايد...ماتت وذكرها على البال حيه...ودموع عيني لاطرتلي شدايد...حبيتها والحب ماهو خطيه... عشقتها عشق على العشق زايد
وفراقها للقلب من غير نيه...ونا اشهد إن افراق الأحباب كايد...عفت الهوى عفت اليالي الهنيه...عفت الغزل حتى منام الوسايد...كل اليالي عقيها سرمديه...ولا الفرح في نسيتي شيْ بـايد
والقلب ميت من ممات الوفيه... مايشحنه حب البنات الجدايد...)
هزها مره مرتين ثلاث ناداها بأسمهــا صرخ عليهــا بس الجواب كان صمــت كريــه ماكان عليها أي جروح اورضوض بس كدمــه وحده بجبينهـا نازل منهـا خط احمـر من الدم ....
محتــار من هالبنــت ليــه تكلمه بهالطــريقـه وكأنه ذابح أحــد من أهلـها طيب محد مجبـرها تكلمــه هي اللي عارضــه نفسهـا عليـــه ...
خالـد :ترى اشغلتينــي خلصينـي قولي وش تبيــن منـي وش آخـرتها يعنـي ...
رحاب بنبره غريبـه :مابـي شــي ابـي اتعـرف عليــك وآخــرتها نهاية رغــد ...
خالد بأستغــراب :تبغيــن نهايتك مثــل نهايـة رغـــد ..؟!!
رحاب :أنا ماقلت كــذا أنا أقــول نهايتنـا نهايـة قصتك مـع رغــد ...
خالد :أنتـي وش قاعده تقولين فزوره هـذي ..؟!
رحاب :سميهـا مثل ماتبــي ..!! خالد أنت تحــب ...
خالد بالصـدمـه :وأنتي ليه تسألين ..؟!
رحاب تستدرجـه :عشـان اشوف اذا كنت أنت الشخص المناسب اللي ابـوح لـه بالسـري ..
خالد :وأنتي تقولين اسرارك لأي أحد يكلمك ...
رحاب :لابس المره ذي محتاجـه اتكـلم لأحــد وأفضـل يكون شخص ماعرفه ويمكن الله راسلك لـي لأنـي محتاجه افضفض ,,بس قبل جاوبـنـي ...
خالـد بحماس: موقبل ماسمعك ...
رحاب بالنبـرة الم طالعه من اعماق قلبهـا :حبيتــه من كــل قلبــي حاربت الدنيـــا كله عشــانه تحررت من مبادأي واخــلاقي اللي تردعنــي عن هالفعــل المشيــن خنت نفســي وأهلــي وربــي عشانـــه وبالمقــابل هوخانـــي ضيعــت ثلاث سنين من عمــري فحبــه
وبالاخيـــر تخلص منـــي بعــد مادمــرني وفضحنــي بين النـاس ,,ليـه ودي افهــم ليــه
مايكفــي اللي سواه فينــي ليـه يفضحنــي ويشــوه سمعتــي بين الناس هذا جـزاتي اللي حبيتــه وصرت ماشوف أحد من الناس غيــره ...
خالد :تستاهلــين كـل البنات يستاهلن اللي يجيهـــن هـذا جــزاء كل وحـده تخون ثقة أهلهـا ....
رحاب بعــد ماتملكت نفسهـا :ماجاوبت علــى سؤالــي ...؟!
خالـد :أي أحــب بس مو مثلك أحب واحـد أكلمه بالتلفون أحب بنت عمــي واللي قريب بتصيـــر زوجتـــي ...
رحاب :تحبهـا بس عشان بتصيــر زوجتك ولا...
قاطعهـا خالد وبعفــويه :لاأحبهــا من زمـإن وأنا اللي اختــرتها بنفســـي ومستحيل اتصور غيرها زوجـــه لــي ....
اول خيط فخطـة الانتقـام مــده لهـا خالـد بدون ادراك منـــــه وبدت ابشــع خطــة انتقــــام علــى وجـه الارض ترســم نفسها ...
رد: 0 قصه رهيبه &&الزمن طبعه كذ&&جنان
